أولا وقبل كل شئ : حكم عسكر تاني لاءءءءءءءءءءءءه كفايه كده
كفايه كده لأننا متنصفناش فيكم ، كفايه كده لأنكم بتحاولو تدونا علي قفانا كل منديكم ضهرنا ، كفايه كده لأننا مخلصناش من محاكم مبارك الظالمه علشان يطلعلنا ماكينات إدانه،كفايه كده لأن أسلوبكم في التعامل مع الناس بيقول ان العادلي وزبانيته مكانوش فلته،كفايه كده لأن واضح ان مصر منصابه ف مجالسها واي حاجه اسمها مجلس مبتوريناش يوم حلو ، كفايه تعذيب وكهربا ، كفايه اعتقال بدون وجه حق ،كفايه تلفيق تهم ،كفايه محاكمات جايره، كفايه دكتاتوريه ،كفايه ضحك عالدقون
المجلس محماش الثوره ومكانلوش دور فيها وانتو عارفين كويس ان الجيش دا بظباطه وعساكره ملك الشعب ومنه وروحهم فداه وعمرهم ما كانو هيمدو إيديهم علي حد من الثوار ..إنما انتو ...... هاه من أيام المخلوع :*) ... إحنا تخيلنا انكم فهمتو اللي فيها وان الكفن مالهوش جيوب " ضحكه شريره " وان الشعب لما يقوم وينادي هيبقي يا هوا يا أي حد في الدنيادي ... اللي رزع الأمن المركزي بظباطه بمدرعاته وعربياته وسلطاته وبابا غنوجه علقة ما أكلهاش حرامي ف حاره سد قادر يكرت أي حد علي قفاه ... واحنا بالصلاه عالنبي قرينا الفاتحه ف أول الثوره دي عالخاين والمفتري وابن الحرام .. ما تلايموها بقي وكفايه وتتكلو علي الله من غير مطرود إحنا مخلصناش من مبارك علشان يطلعلنا تسعتاشر مبارك ... هوا تدوينة مايكل نبيل بتغيظكم ؟؟ هاه بتغيظكم طب أهه http://www.maikelnabil.com/2011/03/blog-post_07.html
وبعدين إيه ماسورة الوطنيه اللي طفحت منكم إذ فجأة دي ؟هاه ، وخلاكم تخونو الناس بدون مبرر وتقولو انكم بتفهمو أحسن من أي حد ؟ وانكم بتحبو البلد دي أكتر مننا ..... هافف عليا قوي واحده : يحز في نفسي J
طب وهوا ماسورة الوطنيه ومدرسة الوطنيه اللي فالقيننا بيها دي مقالتلكوش ان عيب تبقو واقفين بدباباتكو ومدرعاتكو وسلاحكو واحناللي ندافع عن نفسنا ف التحرير ؟ هاه ؟
طيب مدرسة الوطنيه خلتكو تطنشوا أول كنيسه تتحرق في مصر من أيام عمرو بن العاص وتسيبوها للبلطجيه ؟ هاه ؟
طيب هيا دي المدرسه برضه اللي خلتكم تضربو نار يوم 9 ابريل طول الليل علي 700 شاب صغيرين ؟
طيب هيا دي المدرسه اللي قالتلكم تسمحو بضرب النار الحي علي المتظاهرين ضد الصهاينه ؟
طيب هيا دي المدرسه اللي خلت شوية معرصين من الشرطه يلووا دراعكم ويحرقو ورق ادانتهم وتزودولهم مرتباتهم كمان وميشتغلوش ؟
طيب هيا دي المدرسه اللي خلتكم توافقو من زماااااااااااان ان سينا تبقي منزوعة السلاح ؟ "الشهيد سليمان خاطر بيتف عليكم ع فكره "
طيب تكونش برضه هيا المدرسه اللي خلت حد منكم يقول لحسن نافعه وحسام عيسي وجمال زهران انتو كنتو فين واحمدو ربنا اننا مش زي ليبيا ؟ " هيا المدرسه دي مفيهاش جرايد وللا إيه ؟
وهيا دي المدرسه اللي علمتكم ان الديمقراطيه انكم تعملو استفتا علي عشر مواد وتسيبو الناس تقطع بعض وبعدين تنزلو اعلان دستوري 62 ماده ؟
طيب هيا دي برضه المدرسه اللي الفنان التشكيلي فيها بيبقي بلطجي ؟
طيب متعلمتوش في المدرسه دي إن عيب صور مبارك تبقي علي حيطانكم وهوا قاتل 1000 شاب زي الورد من ولاد البلد دي ؟
طب في المدرسه دي علموكم ان السجن زيه زي المستشفي وان شرم الشيخ متفرقش كتير عن طره ؟
طب قالولكم في المدرسه دي انكم آلهه مثلا ؟ ومينفعش الناس تنتقد أدائكم السياسي ؟
طب مقالولكوش في المدرسه دي ان اللي بيلعب بالنار بيتلسع منها ؟
طب مكانوش بيدرسولكم هناك أمثله شعبيه زي ان اللي بيتلسع من شوربة مبارك ينفخ في زبادي المجلس ؟
طب قالولكم في المدرسه دي انكم تخوفو الغلابه وتسمحو بالإشاعات بتاعة المخزون الاستراتيجي خلص والحركات دي ؟ هاه ؟
طب قالولكم بصراحه في المدرسه دي اننا هبل أو لسه برياله مثلا ؟
الله يرحمك يا رجوله
نجيب بقي م الآخر : انتو بتقبضو مرتباتكم علشان تدافعو عن البلد دي ضد العدو الخارجي ..يعني م الآخر الحدود قشطه جدا عليكم علشان تقريبا احنا شكلنا مش عاجبكم وعفا الله عما سلف ، ادونا بس شوية الصيع اللي شتمو الثوار وكهربوهم وعذبوهم ولفقولهم تهم نتعامل معاهم بمعرفتنا واتكلو علي الله طريقكم أخضر أو اقوللكم ما تروحو تجيبو المليون ونص مصري اللي مزنوقين ف ليبيا ؟ فكره والله ونزفكم لحد السلوم بالطبل البلدي كمان ... وبما انكم بتقبضو مرتباتكم من جيوبنا هقوللكم زي الرأسماليين مبيقولو : خافو علي أكل عيشكم وكفايه كده .... لقد ورمنا ......ورمنااااااااااااااااا
ونسمع مع بعضينا واحده من روائع الطرب :)
ونسمع مع بعضينا واحده من روائع الطرب :)
حلو اوي يامالك .. حرام عليك انا عايز اعمل عبيط على عمايلهم الوسخه لحد ما مدتهم تخلص ويغوروا من وشنا .. بتسخني ليه بس انا كده مش مستريح .. والاهم مني ومنك الشارع بجد مش عايز كده .. الشارع قرفان من المجلس العسكري بس مش عايزه يمشي .. واحنا مش عايزين نقوم الشارع علينا .. الناس لما بتحس ان مطالبها مش في الميدان بتلعن الثوره
ReplyDeleteالله عليك.أنت عبرت عن اللي جوايا بالظبط.اللهم أضرب الظالمين بالظالمين وأخرجنا منهم سالمين.تحياتي.
ReplyDeleteتسلم ايدك يا مالك .. جبت من الاخر
ReplyDeleteواذن فنحن أمام شكل من أشكال الانقلاب العسكري، والاستيلاء على السلطة، يترأسه القائد العام للقوات المسلحة
ReplyDeleteفالمجلس العسكري قد أهمل المهام الموكولة اليه من الشعب، وقام بفرض سلطاته على البلاد، وعلى الحياة السياسية بأسرها، وعلى النظام السياسي الذي يريد المصريون خلقه في بلادهم
ولابد من اصلاح هذا الوضع على الفور
1 – أن توقف أي مهام سياسية للمجلس العسكري
2 – أن يتم عودة هذا المجلس الى وضعه قبل 25 يناير 2011 ، وبدون رئيسه المعزول – مبارك - بالطبع
3 – أن يعود القائد العام الى صفته ومنصبه السياسي كوزير للدفاع في الوزارة التي يرأسها الدكتور شرف، وتحت قيادة رئيس الوزراء، وأن تكون تلك الوزارة هي حكومة البلاد بكل الصلاحيات، مع تطهيرها من العناصر التي يرفضها الشعب الثائر، وتعيين وزراء وطنيين يرضاهم الشعب
4 – أن تلغى الاجراءات والقرارات التي اتخذها المجلس العسكري
5 – أن يلتزم الجيش بدوره المحدد في المرحلة الحالية ويتلخص في حماية الأمن العام، وألا يتدخل بأي شكل في الحياة السياسية
6 – أن تقوم الحكومة على الفور بترتيبات قيام جمعية تأسيسية بوضع دستور جديد للبلاد، وطرحه للاستفتاء، وطرح القوانين الجديدة المكملة التي يتم اعدادها، للاستفتاء في نفس الوقت، مع الغاء القوانين السابقة، والقوانين التي أصدرها المجلس العسكري
7 – أن تقوم الحكومة باعداد وطرح مشروع اعادة هيكلة الأجور على مستوى الدولة
8 – تشكيل لجنة اقتصادية من الاقتصاديين الوطنيين لتقديم خطة عاجلة لتجاوز الوضع الاقتصادي الراهن
9 – تقوم الحكومة بمتابعة الاجراءات الضرورية لقمع عصابات النظام الساقط وتقديمهم للعدالة، ابتداء برأس النظام السابق وحتى أعوانه في أمن الدولة، والاعلام، والجامعات، والمحليات، وجهاز الدولة
لن يصنع أحد ملوكا من جديد في مصر
لكننا سنبني جمهورية ديمقراطية حديثة في بلادنا
هذه لحظة اختبار للجميع
فللنهض بثبات من أجل انقاذ الوطن
www.2011egyptrevolution.blogspot.com
يامالك، ده جزء من مقال هيكل صانعا للملوك. لو عندك فرصة اقرا المقال كله. احنا محتاجين حالا تركيز وتجميع شىء اشبه ب think tank انا متابعك على تويتر واول مرة اعرف ان ليك بلوج دلوقتي وده مش معقول. را
Dear fellow activists,
ReplyDeleteWe work with Muslims for Peace, Justice, and Progress, an organization that is collaborating with a diverse coalition of organizations on an international 'Freedom March' for liberation from oppression in the Middle East and North African countries.
We will be holding a rally on July 1 in a number of key locations throughout the Middle East (i.e. Tahrir Square as well as locations in Tunisia, Syria, etc.), simultaneous with rallies in Washington DC and London on July 2. I have copied a letter below from our executive director regarding the vision and mission statement of this internationally coordinated rally. Importantly, this can be used to foster greater ties of solidarity between social justice activists in Western countries and the brave activists overseas right now, possibly leading to a stronger push for improved foreign policy in the Western countries.
We were wondering if you could connect us with some more Internet activists that can help us to build the Internet presence overseas for this rally. We have been working with members of the Coalition of Youth Revolution, 6 April Movement, etc. in Egypt and they are estimating a crowd of 50,000 in Tahrir Square on July 1. We would like to increase these numbers fast in order to build momentum.
http://www.facebook.com/event.php?eid=121105904630990
الخطاب التالي من أصدقاء بأمريكا من مؤسسة الإسلام للسلام و العدالة و التقدم يرغبون في دعم الثورة المصرية و يعلنون رفضهم للكثير من السياسات الأمريكية، و ذلك منذ بداية الثورة و فيما يلي ترجمة نص الخطاب الذي وصلني بعد الدعوة للثورة الثانية:
سلام للجميع
إن شاء الله إذا إستطعنا تنظيم مسيرة الحرية في 20 مدينة حول العالم سيكون ذلك أفضل ثورة ثانية ممكنة.
بإستطاعتكم أن تظهروا قوتكم للمجلس الأعلى للقوات المسلحة بأن العالم كله يساند ثورتكم الثانية
نحن كذلك في الغرب يمكن أن نؤثر على الجيش.
ذلك الضغط من الجانبين يمكن إن شاء الله أن يفتح البوابة للقرارت الصحيحة. إن أمريكا لها تأثير كبير على الجيش -أمريكا تدعم الجيش ماديا- نحن -الشعب الأمريكي- نريد ذلك التوحد لنضغط على أوباما كي يضغط على الجيش ليستمر في مسار الديمقراطية و التقدم.
نرجوكم أن تشاركونا مسيرة الحرية -مسيرة سلمية-بهدف الحرية
نشكركم
تعليق - في كثير من الخطابات التي وردتني يؤكد أصدقائي أنهم يريدون أن يكون للمسلمون صوت مسموع في أمريكا و أنهم لا يوافقون على الكثير من السياسات الأمريكية و أن أمريكا تدعم الجيش المصري ماديا بمبالغ كبيرة و أنهم يريدون مساندة العرب و المسلمون بمسيرة سلمية للحرية يوم 1 يوليو الجمعة في مصر و 2 يوليو السبت -لأن ذلك إجازتهم الأسبوعية- في واشنطن العاصمة و كذلك العديد من المدن في أمريكا و كندا بالإضافة للدول العربية كتونس و المنامة....
أرجو كتابة أرائكم حول المشاركة و فيما يلي رابط الحدث:
http://www.facebook.com/event.php?eid=121105904630990
Creating an international network of activists can be extremely powerful in influencing change within a nation. What better way to show the world the solidarity we have in this cause than a network of huge demonstrations conducted from major cities around the world, with the same messages, placards, posters, and slogans with the common theme of a freedom march? This can be arranged in a relatively short period of time with some help from grassroots activists, if the leaders of the uprising movements seriously take part and work with activists from multiple different countries.
This does not interfere in the internal matters of a country: it only shows the power of solidarity beyond borders.
Please contact us at the email address mpjp@mpjp.org regarding how you can help with this important effort.
Muslims for Peace Justice and Progress
www.mpjp.org
mpjp@mpjp.org
---
تسلم ايدك، بس كيف الخلاص؟
ReplyDelete