Monday, 10 June 2013

عن 30 يونيو

أنا عندي سؤال بديهي وكوني ف نفس ذات اللحظة والزملاء أساطين الثقافة والعلوم السياسية لحد دلوقت مجاوبونيش عليه : لو افترضنا أن هناك مؤيد ما لمبارك أو كنبة أو مؤيد لشفيق أو العسكر أو أي ابن قحبة ، فدا معناه إنه ميعترضش علي مرسي ؟؟؟ أنا فاهم أكيد إن شخص بالمواصفات دي مش ثوري ومعندوش أي بتلاتة تعريفة إيمان بأيديولوجيتك وبالتالي مش منتظر منه غير كل خرا ، بس فعلا لو الناس دي نزلت الشارع وبكثافة إحنا هنعمل إيه ؟؟ هنقعد نشتم فيهم بس وللا عندنا استراتيجية للتعامل معاهم ؟؟ لو إنت مؤمن بالمواطنة فأكيد إنت مع حق المواطن دا ف الإعتراض علي السلطة الحاكمة زيه زيك ، ولو انت مؤمن بالثورة فأكيد هتبقي مش طايق أمه ، طب هنعمل إيه ؟؟ نسيب الشارع لفلول مبارك ولحاسين البيادات ؟؟ طيب نقعد نشد ف شعرنا وننظر ؟؟ وللا نفكر بطريقة نقطع بيها الطريق علي الجميع ونحدد قائمة مطالب نقول محناش راجعين غير لما تتحقق ، أنا بعتت مقترح بالمطالب دي لستين (رقم حقيقي مش مبالغة) ناشط شاب محترم محدش فيهم قاللي صلي عالنبي وبالتالي هقولها تاني : 
رحيل محمد مرسي ، حل مجلس الشوري ، وقف العمل بالدستور ، إسقاط كافة قوانين مرسي الإقتصادية والإجتماعية ، الإفراج عن كافة الثوار المحبوسين ، وقف أي اتفاقات تتعلق بقروض خارجية لحين إعادة دراستها ، تشكيل حكومة وحدة وطنية لإدارة البلاد للإعداد لدستور جديد وانتحابات رئاسية ووضع قواعد لمحاكمة كل من تورط في دماء المصريين وإعادة هيكلة الشرطة والقضاء ومتابعة ملف الأموال المنهوبة وإعادة النظر ف التصالحات اللي تمت مع رجال أعمال مبارك ولازم نجتهد ف تحديد أسماء مقترحة للحكومة دي ، العزل السياسي لكل رموز نظام مبارك والإخوان المسلمين لفترة لا تقل عن عشر سنين.
ودا مقترحي بمنتهي البساطة لقطع الطريق علي الفلول ولحاسين البيادات والخرفان ، الحل التاني بقي اللي معاه الرجالة والسلاح ياخد الحكم ويفرض شروطه والباقيين يلبسوا طرح ودمتم ، وبطلوا تنظير ف الفراغ وراعوا صحتنا الإنجابية الله يستر عرض أم اللي جابتكم .
تحديث : طبعا بديهي إن النائب العام لازم يمشي (ونسمي بديل له) وفوق إنه هيمشي فهو لازم يتحاكم عن جرايمه في حق الثورة والثوار
Posted by at

2 comments:

  1. lailol14 June 2013 at 05:03

    انا مش معاك في هذه المطالب الان لاننا في هذه الرحله هي مرحلة حشد لكل الشعب بجميع توجهاته سواء كان اولاد مبارك ربنا ياخدهم او لحاسين البيادات المهم في الوقت الحاضر هدفنا لازم يكون موحد وهو ازاحة مرسي والاخوان وبعد ما يمشي ان شاء الله ننتقل الي الهدف اللي بعده وهو اختيار وتشكيل حكومه وطنيه لادارة البلاد وبعدين نطالب هذه الحكومه بعد تشكيلها ببقية المطالب التي ذكرتها ولا يجب ونحرص علي البقاء في الميادين حتي تتحقق كل مطالبنا ولا نغلط الغلطه نفسها ونرجع بعد تنحي مرسي ونستسلم لمن يفرض نفسه علينا بدون رضاناا

    ReplyDelete
  2. ابراهيم نجم14 June 2013 at 07:14

    المنطق النظري بيقول إن جبهة الإنقاذ لازم تبقى في الواجهة من الأحداث دي وما يليها .. لإنها -نظريا- بتمثل الطيف الأكبر من المعارضة-على الأقل أيديولوجيا- .. لازم نتواصل معاها وننسق المواقف وندخل عدد من الشباب فيها بحيث يحروا دمهم شوية وفي نفس الوقت تبقى لها الشرعية في الحديث باسم الثوار الشباب . والله أعلم

    ReplyDelete

Subscribe to: Post Comments (Atom)