Friday 24 August 2012

دليل المحتاط في وصف العياط

السؤال البديهي الذي يتبادر إلي الأذهان هو : ماذا يمثل لك رئيس الجمهورية؟؟
أعتقد أن إجابة البعض سوف تتبلور في : إنه بابا وماما وأنور وجدي
والبعض الآخر سوف يقول : دا رئيس الجمهورية وكرامته من كرامة مصر
بينما الفلول "أمثالي"من وجهة نظر جماعة العياط يرون أنه : موظف يتقاضي أجرا لخدمتي
وبما أنه موظف لدي ولديك فهو عرضه للنقد وعرضة لتوصيف أفعاله ومايتخذه من قرارات ، ودعني أقول لك إنه عندما كان المخلوع أبا لكل المصريين كنت أشارك بعض الفلول أمثالي في تظاهرات أمام نقابة الصحفيين وقصر عابدين ومجلس الوزراء وكنا نهتف : "سابلك إيه يا صبية أنور بيه لما مات سابلك عجل من المنوفية يبني كباري ومعتقلات"وكنا نهتف "الحرامي جوه القصر ولسه كلابه بتحكم مصر " في إشارة واضحة للمخلوع وكانت من بين تهم من يتم اعتقالهم إبان بعض تلك المظاهرات هي  إهانة رئيس الجمهورية
ومرت الأيام : وقامت ثورة كان قوام هتافاتها نعت المخلوع بأبشع الأوصاف والمطالبة برحيله وكان من بين من يهتفون ضده أصحاب مقولة : الأب والقائد ..تخيل ؟؟
طيب مبدئيا : طز ف رئيس الجمهورية اللي بيمثل لحضرتك بابا وماما وأنور وجدي
وفي نفس الوقت : تحية أحيانا أو نقد أو بعض اللعنات أحيانا مني لرئيس الجمهورية الذي يمثل بالنسبة لي موظف بيشتغل عندي وعندك وبياخد مرتب
أنا مع حرية التعبير حتي الثمالة حتي لو تضمنت ما يمكن أن تعتبره حضرتك إهانة أو إساءة وضد خلق فراعين جدد بمنطق حضرتك إذا كنت تري أن رئيس الجمهورية هو "بابا وماما وأنور وجدي واعتبره زي أبوك يا أخي وعيب تشتم رئيس جمهوريتك واحترم اللي أكبر منك يا أخي " لأني لو تعاملت مع رئيس الجمهورية علي إنه غير قابل للنقد وأن له "ذاتا"رئاسية لا يجب التعرض لها يبقي أحسن الله عزاءكم في دولة المؤسسات
تيجي أنظر عليك شويه وتستحملني ؟؟
في تواريخ الثورات المنظرين العرب منهم لله بيقولو إن الدولة تمر بثلاث مراحل من الشرعية :
أولا : مرحلة الشرعية الثورية .... التي تستمد قراراتها وقوانينها وإجراءاتها شديدة التطرف مشروعيتها من فعل الثورة مباشرة
ثانيا : مرحلة الشرعية الأبوية : التي يكون فيها رئيس الجمهورية هو الأب والقائد والرئيس وكلنا عياله وله علينا السمع والطاعة
المرحلة الثالثة : مرحلة الشرعية الدستورية : وهي مرحلة دولة القانون ودولة المؤسسات البعيدة عن الشخصنة والتي تستمد شرعيتها من الخضوع التام للقانون.

ولو لاحظت حضرتك ستجد أننا عالقين في مرحلة الأب القائد الرئيس الملهم الزعيم المفدي المخلص الراشد الماجد قائد الجيش والشرطة والقضاء وسيدنا وسيد الناس ... لسنا نحن فقط بل كل الدول العربية ودول العالم الثالث ... ولأننا عشرييين وأولاد أصول دايما نهاية الأب الرئيس القائد ... إلخ بتبقي نهاية سوداء : إنقلاب يطيح به ، عملية اغتيال ناجحة ، ثورة تمرمط اللي خلفوه وتحول إسمه في حد ذاته إلي سبة   .... وفي ذات الوقت لا نتقدم خطوة واحدة نحو دولة المؤسسات يا مؤمن .. نخرج من أب علي أب وكأننا شعوب لقيطة أو معاقة ذهنيا.
أعلم تمام العلم أن هناك بعض المواطنين الأفاضل متربيين وأولاد ناس والعيبة متطلعش من بقهم .. وأعلم أن هناك أمثالي اللي أهاليهم معرفوش يربوهم علي حد وصف بعض حضراتكم لا يدخرون جهدا في كسر قدسية الموظف العام "رئيس الجمهورية" علشان حضرتك متعملوش إله وينتهي بنا الحال ككل مرة : مرضي ، مظلومين ، مقهورين ، مغلوبون ، فقراء...إلخ
ولذلك كل اللي بطلبه منك :
أولا : ماتقولش علينا فلول يا إبن العرص لأننا عمرنا ما كنا ولا هنبقي فلول
ثانيا : متقولش علينا حقدة أو قليلي الأدب يا إبن العرص برضه لأني لما بنتقد الرئيس مبتكلمش عن عريس أختك اللي خطفته من أختي
ثالثا : متقولش علينا نشطاء الإنترنت يا إبن العرص برضه لان عدد العُلَق الي خدناها ف الشوارع من داخلية مبارك كفيلة بإنها تحولك إنت وعيلتك لكلاب لولو
رابعا : متقولش علينا فاضيين يا إبن العرص برضه لأننا كلنا والحمد لله أو معظمنا بنشتغل كويس ومحققين نفسنا علي مستويات كتيره
خامسا : لا تشخصن أمور السياسة لأنك هتفقد موضوعيتك تماما وهتتحول لبوق من أبواق نظام الله أعلم هيعمل فينا إيه
سادسا : متدورش علي مبررات لخنوعك أو جبنك أو دفاعك بالباطل عن شخص ما أيا كان بس دور في الكتب و ف تجارب الشعوب وفكر وحاول تبقي فاهم مش حافظ.

وبما إني محامي فلازم أوجه عناية سعادتك إلي أنه هناك شئ ما إسمه : العهد الدولي للحقوق المدنية والسياسية مصر موقعة عليه وداخل حيز النفاذ من زمان وبيعتبر بمثابة التشريعات الوطنية بيقول :

المادة 19
1. لكل إنسان حق في اعتناق آراء دون مضايقة.
2. لكل إنسان حق في حرية التعبير. ويشمل هذا الحق حريته في التماس مختلف ضروب المعلومات والأفكار وتلقيها ونقلها إلى آخرين دونما اعتبار للحدود، سواء على شكل مكتوب أو مطبوع أو في قالب فني أو بأية وسيلة أخرى يختارها.
   وحاول تضحي بجزء من وقتك الثمين واقري الحكم داه :
دا حكم للقضاء الإداري المصري بيقول فيه : أما بخصوص ما استند إليه المدعي في طلب حجب بعض هذه المواقع لارتكابها جرائم في حقه تشكل سبا وقذفا وتشهيرا فانه وإزاء الفراغ التشريعي المنظم لدواعي الحجب وحدوده وتوقعاته فانه نزولا علي القاعدة الأصولية التي تقضي بترتيب المصالح في ضوء مدا رجها عند التعارض فإن المحكمة ترجح الانحياز لجانب الحرية   علي حساب المسئولية
أما عن وصف العياط اللي ساعات بيزعلك :
  خلليني مثلا أضربلك مثال : قال الرئيس : لن تغلق قناة ولن تصادر صحيفة ولن يقصف قلم في عهدي
ثم فوجئنا : بإغلاق قناة تليفزيونية أيا كانت ومصادرة صحيفة وإحالة رئيس تحريرها للجنايات ومنع نشر مقالات لعدد من الكتاب الصحفيين منهم إبراهيم عبدالمجيد وعبلة الرويني
فماذا يسعنا أن نقول : لو قلنا أن الرئيس حنث بعهده فهذا يعني أنه منافق ، ولو قلنا أن الرئيس كذب علينا فهذا يعني أنه كاذب ، ولو قلنا أن الرئيس مش شايف شغله فهذا يعني أنه مهمل أو خائن ... طبعا حضرتك بتحب الكلام ف كيس : فبتفضل تعبيرات : الرئيس حنث بعهده ، الرئيس قال كلاما كاذبا ، الرئيس مش شايف شغله
أنا بقي بحب الكلام علي عبله فهقول : الرئيس منافق ، الرئيس كاذب ، الرئيس مهمل أو خائن
ممكن تقوللي إيه الفرق ؟؟؟
حسيت إنك متفاجئ شويه علشان مفيش فرق صح ؟؟ طيب تعرف إنك لو قبلت محاكمة اللي بيقول الرئيس كاذب النهارده بكره تقبل محاكمة اللي هيقول الرئيس قال كلاما كاذبا ، وبعده هتقبل محاكمة اللي هيقول الرئيس قاسي قوي ، وبعده هتقبل محاكمة اللي هيقول العياط من غير ما يسبقها بكلمة : الرئيس ؟؟
تعالي بقي أوريك مثال للجهلة والسِفله "بكسر السين "
شايف البنت دي ؟؟؟
دي كادر من كوادر الإشتراكيين الثوريين سابقا ، وقبض عليها عام 2006 أثناء أحداث التصامن مع قضاة الإستقلال وقضت ثلاثين يوما في سجن القناطر ولم تفوت حدثا ضد نظام المخلوع إلا وشاركت فيه ، ودي صورتها يوم خمسه وعشرين يناير 2011 في امبابه بتهتف ضد الظابط داه بتقول : قولو للباشا تمام عالخيبة ..إنت بتحمي في الهليبه ... الناس بتحبها وأنا أولهم وبتحترمها وبتحترم إخلاصها وعمر ما حد اتهمها اتهام سئ طبعا غير رجالة المخلوع
بص بقي الصورة دي :
دي صورتها امبارح وهيا شايلة لافته بتعبر عن اعتراضها علي عودة سياسات المخلوع ومصطلحات الذات الرئاسية والكلام الفارغ داه ... شوف بقي رجالة خليفة المخلوع بيقولو عنها إيه :
وبالرغم من إنه كلام مسئ لشخصها ويتهمها ف عرضها وشرفها ويشكل جريمة طبقا لقانونكم .. إلا إني قررت أكتب فقط هذه التدوينه ردا علي اللي أساؤوا ليها ..ودي بقي إسمها حرية التعبير

تحياتي :)


 

6 comments:

  1. مش بتفق معاك انو موظف شغال عندي .
    انا ممكن اقول علي الوزير موظف او المحافظ موظف لكن الرئيس ده حد منتخب اللي انتخبو واللي منتخبوش المفروض يسمعو كلامو يعني لو قالي روح حارب ومروحتش تعتبر خيانة ولا ايه.

    اومال ايه بقا" مخلصا لرئيس الجمهورية"

    ReplyDelete
  2. بالنسبة للرأي اللي بيقول أن الوزير أو المحافظ موظف لكن الرئيس ده حد منتخب .. أحب أسأل حضرتك لو الوزير أو المحافظ كنا بننتخبهم كانوا هايبقوا موظفين برده ولا إيه النظام ؟
    الحاجة التانية .. الرئيس بينتخب لأنه ماينفعش يتعين .. ولو كان ينفع يتعين ياريت حضرتك تقولي مين اللي يعينه
    الحاجة التالتة : الرئيس بكل تأكيد موظف مهمته مراعاة مصالح الناس والعمل على تقدم بلده وشعبه بكل الطرق المشروعة وبالشكل ده والهدف ده يبقى أكيد بيخدم بلده وشعبه .. يعني موظف عند الشعب ومش معنى أن يكون في إيده قرار حرب أن أنا اللي شغال عنده لأنه في الوقت ده هو بينفذ جزء من شغله وأكيد لما ياخد قرار الحرب المفروض يبقى على أساس ودراسة جيدة وده برده من صميم شغله وبما أن الشعب هو اللي عينه موظف في المكان ده يبقى لازم يشوف شغله صح ولو ماعملش كده نخلع أبوه ونجيب واحد موظف تاني يعرف يمشي الشغل ده ..
    وسؤال أخير .. تقصد ايه بمخلصا لرئيس الجمهورية ؟
    وياريت حضرتك تفكرني مين بالظبط اللي بيقولها

    ReplyDelete
    Replies
    1. حاجه تانيه مهمه انا لما الرئيس بياخد قرار الحرب انا مش بسمع كلامه ولا بحارب علشانه انا بحارب علشان بلدي وهيجي رئيس ويمشي رئيس والارض والكرامه مش مرتبطه بيه يعني مات السادات وسينا وقرار الحرب لمصر مش شخص الرئيس

      Delete
  3. الراجل اللى بيشيل زبالتك نظير اجر من باب الادب انك تشكره فالادعى ان من يمثلكمحليا وعالميا لا تقدم له ابسط انواع الامتنان والمؤازة لاستكمال عمله اللى ازنك فاهم كويس مدى شقاءه ولا تفضل ان تكون فى مكانه اتق الله فتبسمك فى وجه اخيك صدقة اولى بها رئيس جمهوريتك اما بالنسبة لما كان يحدث مع المخلوع فلأنه عين نفسه رئيسا للجمهورية وبقى يجدد ذاتيا فلا احترام لمن ولى نفسه

    ReplyDelete
  4. يمثلك محليا و عالميا دى مش حاجة بيمن علينا بيها فواجبنا اننا نشكره عليها لان دة شغله اللى لو معملهوش يبقى مقصر و يستاهل محاكمة
    اما انك تنتقده او تقول رأيك فى شغله فدة واجب على كل واحد و الا يبقى احنا اللى بنعمل الديكتاتور من الاول لاننا بنقدسهم زيادة عن اللزوم

    ReplyDelete
  5. و هو يعني علشان شغله المفروض اننا نشتمه و نتطاول عليه بلا سبب
    علشان انا بروح كل يوم الشغل مثلا و رغم ثقل المسؤليةو اجتهادي لازم الناس تستبيح عرضي شتيمة و قلة أدب!!!
    هو احنا مينفعش نقد الغرب غير في التطاول بس
    منقلدهم في الشغل و الاتقان
    واللي عايز ينقد ينقد باحترام

    ReplyDelete