ياشعب مصر انزلوا الشارع ضد مبارك يوم 25 يناير 2011

ثورة الياسمين وثورة المخلل

كل ما أبص عاللي بيحصل في تونس ألاقيني مبسوط جدا لدرجة اني بقيت بنام علي صوت التلفزة التونسية ... شعب واعي بجد وجماهير بتربطها وحدة المطلب وساسة واعيين لظروف الجماهير وناس عندهم استعداد عظيم للتضحية وعلشان كده بقوا محط أنظار العالم بثورتهم عالنظام الفاسد اللي بيحكمهم ونجح في طرد هذال النظام " زين المفشوخين بن علي "خارج البلاد ودلوفت بياخدوا خطوات حقيقية علشان يطهروا بلدهم بجد من أي فاسدين ورؤوس النظام المخلوع بيتساقطوا زي الذباب واحد ورا التاني ..... شعب زي الورد عمل ثورة ياسمين زي ما سموها .... وأرجع تاني أبص علي مصر وعاللي بيحصل فيها أحس انها فعلا تستاهل لقب أم الدنيا لسببين :

الأول : إن الدنيا بنت شرموطة فعلا

الثاني : لأن مصر فيها أكبر تجمع للمرضي النفسيين والأفاقين والمرتزقة والهبل في العالم لا في الكون وما يستجد من أكوان أخري .

النهارده الصبح واحد حاول يولع في نفسه بسبب قفل المحل اللي بياكل منه عيش واعتراضا علي انه مش لاقي حد يسمع شكواه ... تلاقي واحد ابن وسخة أهبل بيقوللك ان اللي عمله دا طريقة هادفة لتوصيل شكواه طيب نعديهاله علشان هوا حكومة إنما بقي ألاقي واحد ابن خفيفة بيحسب نفسه عالمعارضة بيقفي علي مأساة الراجل ويقوللك الشعب المصري حافظ مش فاهم " في إشارة لما حدث من قبل في تونس " وخفيف الدم دا بالذات وأمثاله أحب أقوللهم ان الشعب مبقاش فاهم فعلا علشان بقي وسطيه عيال هايفة وبنت وسخة زيكم والروح غالية علي اصحابها ومفيش حد هيحاول الانتحار علشان ولاد الوسخة اللي زيكم يعملوا ثورة لأن إذا كانت الناس ما بتثقش في الحكومة قيراط فهيا ما بتثقش في معظم المعارضة اللي لماكوا يا أوساخ اربعة وعشرين قيراط وعلي رأي الحكيم : المعارضة المصرية أوسخ من الحكومة المصرية .... المهم نرجع بقي لموضوعنا : اللي حصل في تونس وسموه التوانسه ثورة الياسمين وبصراحة الإسم عاجبني جدا واللي عملوه يستاهل الإسم داه بجد علشان دي ناس نجحت انها تعمل عصيان مدني حقيقي أدي لثورة هتغير وجه التاريخ بالنسبالهم ... نيجي بقي علي أم الدنيا : في عز الأحداث اللي بتحصل في تونس ألاقي جرنان اليوم الساقع ناشر خبر بيقول انه بينفرد بنشر صور البرلمان المصغر الذي سيستضيف جلسات البرلمان الشعبي اللي هوا كان موازي http://www.youm7.com/News.asp?NewsID=336475 وألاقي واحد تاني بيقوللك ان البرلمان الشعبي لامؤاخذه هو الطريق لبداية عصيان مدني حقيقي ... ياولاد الوسخة يا هبل : للدرجادي وصل استخفافكم بعقول الناس ؟ طيب لامؤاخذه البتاع اللي انتو عاملينه دا برلمان ازاي يعني ؟ في حد انتخبكم ؟ شايفين الجماهير بالنلايين مستنييكم في الشارع ؟ طيب والنبي حد فيكم أصلا يحكم علي أهل بيته يا عرر ؟ طيب ولامؤاخذه ناوييم بقي تعملوا حكومة شعبية وتنتخبوا رئيس شعبي وندورلكم علي شعب شعبي بالمرة ؟؟؟ دانتو مابتعرفوش تعملوا مظاهرة فيها أكتر من 43 نفر !!!! جاتكم القرف خللتوا في المعارضة وفشلتم فشل مريع فزيع في إنكم يبقي ليكم أي تواجد حقيقي أو ثقل في الشارع وعايزين تتصورا وتسجلوا مع الفضائيات فتقوموا تفتكسولنا برلمان يا هبل ... طيب وبما إنكم مخللين في المعارضة فيبقي الحتة اللي هتلمكم كلكم لازم تبقي برطمان مش برلمان وانشاءالله تعملولنا ثورة ويبقي اسمها ثورة المخلل ... اتفووووو علي دي معارضة ... احنا لازم نتطهر منكم انتوكمان بعتهكم داه زيكم زي الحكومة الوسخة الي حاكمانا .

شاشة سودا

كل ما تتلفت حواليك مبتقدرش تشوف غير اللون الاسود ... كلام اللي حواليك إسود ، أفعالهم سودا ، مشاعرهم سودا ، قلوبهم سودا ، القادم أسود .... مساحة التفاؤل في حياتك بتقل بشكل مخيف .... بقت تنتابك أحاسيس موت ، لما تنام بيبقي في دماغك انك مش هتصحي تاني علشان كده مصمم تشرب سيجارة فبل ماتروح في النوم وتسمع أغنيتك المفضلة وتشوف كل الوشوش اللي بتحبها ولو حتي عن طريق التذكر ...بتهف عليك ذكريات طفولتك أيام ما كنت نقي وحر بجد مش مجبر تعرف حد مش بتحبه ولا مجبر تردد كلام فارغ زي البغبغان علشان محدش يفهمك غلط ....  مفيش حاجة حواليك بقت بتشدك زي الأول لا الرقص ولا المزيكا ولا السهر ولا قفشات صحابك ولا أصحابك نفسهم.... بقيت تحس انك زاهد في الدنيا أو غريب جاي زيارة يومين وماشي وعلشان كده مش عايز تربط نفسك بحاجة ولو ربطت نفسك بحاجة أو بحد بيبقي سبقك للجانب الآخر من النهر .... بتحب الجانب الآخر من النهر هناك الشاشة السودا هتنطفي ويمكن لاء بس عالأقل عندك أمل ... عندك أمل انك هتستني الشمس علشان هتحب تشوفها وقت الشروق ، عندك أمل ترجعلك ضحكة وحشتك من زمان ، عندك أمل في حاجات كتير .... بتفكر دلوقتي بجد امتي تلاقيك عالجانب الآخر من النهر بعيد عن كل القرف اللي حواليك وبعيد عن الحزن والكآبة والآمال الزايفة أو عالاقل بتتفرج عليها ومنتش جزء منها ..

ساكسونيا

ولاية ألمانية لا تعرف العدل وكانت تخشي علي سمعتها بين الولايات الأخري فسنت قانونا بموجبه يتم عقاب البسطاء والفقراء ومن ليس لهم ظهر يحتمون به أما النبلاء فكان إذا ارتكب أحدهم جرما فيتم تقديمه للمحاكمة ولكن يتم تنفيذ العقوبة علي ظله فإذا كانت العقوبة الجلد يجلد ظل النبيل وإذا كانت الإعدام تقطع رأس ظل النبيل .... علي الرغم من العبط الذي تحمله الفكرة إلا أنها لها وجاهتها من حيث التصميم علي احترام أحكام القضاء والقوانين وتنفيذها ولو بشكل عبثي ... خلاص خلصنا ساكسونيا نرجع بقي علي أم الدنيا مصر :

شاب محترم بيحب البلد دي قررت إدارة جامعة عين شمس حرمانه من دخول الامتحان علشان هوا بيشتغل سياسة في الجامعة وبذلت معاه مؤسسة حرية الفكر والتعبير مجهود مضني وطعنوا عالقرار قدام مجلس الدولة وحصلوا علي حكم بدخول الشاب الامتحان والشاب ذاكر وعمل اللي عليه وأخد الحكم فجيبه وراح الجامعة علشان يمتحن فرفضت إدارة كلية الحقوق انه يدخل الامتحان ... قابلوا وكيل كلية الحقوق والشاب قالله أنا معايا حكم واجب النفاذ إني أدخل الامتحان أخينا وكيل كلية الحقوق أستاذ القانون المحترم رد عالشاب رد فشيخ : قالله الحكم دا تبله وتشرب ميته .

أخرابي يا جدعان أستاذ قانون كبير ووكيل كلية حقوق بيقول عالحكم لصاحبه تبله وتشرب ميته ... طيب نتناقش معاه بالعقل ؟ العقل بيقول ان دا بني آدم فاجر مينفعش نتناقش معاه بالعقل ... طيب نقعد بقي نكرر في البلح بتاع احترام الأحكام القضائية وما إلي ذلك ... بيتهيألي الراجل بحكم شغله عارف .... طيب نقولله انت ممكن تتحبس علشان امتنعت عن تنفيذ الحكم ؟ بيتهيألي برضه الراجل بيدرس الكلام دا للطلبة وبالتالي عارفه وعارف انه هيتكافئ مش هيتحاسب... طيب نقولله اتقي ربنا ف مستقبل شاب زي الورد ؟ برضه بيتهيألي ان ربنا بتاعه غير ربنا بتاعنا .... طيب والعمل ؟ العمل اننا نفش غلنا في الراجل الكبارة داه ونقوله الآتي :

يا راجل يا شرموط حتي البلد اللي بيتحاكي الناس عن ظلمها لحد النهارده كانت بتصمم تنفذ أحكام القضاء حتي لو عالظلال ... وانت استاذ قانون يعني فاهم .... قمت انت بقي عديت كل الحدود وحيث انك ما عليكش رقيب غير ربونا ومحدش هيفصلك ولا هينقلك بسبب تنفيذ حكم قضائي واجب النفاذ أحب أسألك : بتحترم نفسك وانت بتسمع كلام ظابط عرص زيك ؟ لما تروح بيتكم بالليل هتعرف تنام وانت بتضيع مستقبل شاب زي الورد ؟ هيجيلك نفس تتكلم في المدرجات بعد كده عن دولة القانون والشرعية واحترام أحكام القضاء ؟ وحيث انك مينفعش تتهدد بس بينفع ترتشي فيا تري وعدوك بإيه ؟ انت محامي كبير وليك إسمك يعني بتهبر في كل قضية هبرة تعيشك بقية عمرك مستريح يعني مش حكاية فلوس ... طيب انت عندك وضع اجتماعي كويس جدا وليك بوزيشن محترم يعني الحكاية مش وعد بمنصب أو بكرسي ... تكونش مقتنع باللي بتعمله ؟ دي تبقي مصيبة لأن معني كده انك مابتفهمش وبالتالي في أجيال من المحامين والقضاة اللي خرجوا من تحت إيدك بهايم زيك !!!

البلد دي إيه اللي بيجري فيها هنلاقيها من الداخلية وللا من العدل وللا من المحامين .... أنا شخصيا لو مكان الشاب داه أعتقد اني والله العظيم أجيب مصارين أمه بره وأخليه عبرة لأي عرص في البلد دي وواضح ان دا لازم يبقي الحل من هنا ورايح ... بلا تحضر بلا قوانين بلا قضاء بلا خرا  

مصر الفشيخة لي وطن

ميرسي يا رب انك خلقتني مصري .. بصراحة هيغمي عليا من كتر الامتنان ... كل ما ابص عالناس بتوع تونس الكخة اقول ميرسي يا رب ... قال انتفاضة قال بسبب واحد ولع في نفسه معقول ينتفضوا علشان واحد مات كافر !!! إخيييييييه علي دي شعوب .. أنا بقي فاكر آلاف من حوادث الانتحار في مصر 

http://xlance2010.elaphblog.com/Posts.aspx?U=3030&A=55937

بس علشان احنا شعب مؤمن وصابر مش ممكن يحصل عندنا قلة الأدب اللي فتونس دي ... يعني واحد يولع في نفسه م الفقر والجوع يقوموا يدوروا الضرب في الشرطة وقال إيه يطالبوا بسقوط رئيس الجمهورية .. بقي دا اسمه كلام يا توانسة والله ما كانش العشم .... احنا عندنا ف مصر واحد من أعلي معدلات الانتحار في العالم يعني بالصلاة عالنبي زينا زي الدول الاسكندنافية اللي برضه عندهم معدلات انتحار عالية بسبب الرفاهية آي نعم احنا مش رفاهية قوي بس مينفعش حد يتبقي متقدم علينا لأننا أبدا ما بننساش ان مصر هيا مزة الأمم علي راي خطيبتي ... طيب ممكن يكون زين العابدين بن علي مأفور شوية وعلشان كده التوانسه مبئوئين منه أو ربما تكون ظروفهم أسوأ من مصر بمراحل ؟ ناس بتتدلع معدل الفقر عندهم 3,8% بينما معدل الفقر عندنا وصل إلي 41% يعني بحسبة بسيطة نلاقي اننا عندنا ف مصر 35 مليون بني آدم بيعانوا من الفقر يعني تلت أضعاف عدد سكان تونس كلها أي أنهم مالهمش حق والله ... طيب نشوف مثلا الحد الأدني للأجور عندهم نلاقيه 994 جنيه بينما الحد الأدني للأجور عندنا اللي لسه ما اطبقش هيبقي 400 جنيه حتي ف دي مالكمش حق يا توانسه .... طيب يكونش بن علي زودها معاهم شوية وطابق علي نفسهم ؟ الراجل بقاله بس 23 سنة رئيس بينما الريس بتاعنا ربنا يطوللنا ف عمره ماشي في ال 31 سنة حكم ... طيب تكونش مشكلة ارتفاع أسعار ؟ تخيلوا التوانسة الكفرة اللي بيتبطروا عالنعمة كيلو اللحمة عندهم في رمضان اللي فات كان يوازي 48 جنيه مصري بينما عندنا في مصر المحروسة برضه في رمضان اللي فات كيلو اللحمة وصل سبعين جنيه يبقي واضح كمان انها مش حكاية اسعار .. أمال إيه الحكاية يكونش الفساد المستشري عندهم ؟ خد دي : تقرير منظمة الشفافية العالمية لسنة 2010 بيقول إن تونس في المرتبة 51 بينما مصر في المرتبة 71 من حيث الدول الأقل فسادا في العالم أي أن معدل الفساد عندنا أعلي من عندهم بكتير .... طيب إيه الحكاية ........... أنا عرفت التوانسة ثاروا ليه واحنا لاء ؟

معندهمش تكاتك ولا حسن نافعة ولا اسم النبي حارصه  البرادعي ولا البرنس حسين مجاور ... وكمان معندهمش برلمان موازي الذي يعتبر هو الطرق الصحيح للعصيان المدني ... مش طريقتهم الهمجية دي في الاحتجاج .

خماسية

قال الموت للحياة
أنا أنهيك و أبدؤني
قالت الحياة للموت
بالحب لا نهاية لي ولا بداية لك
قال الموت وما الحب
فغرد طائر وتفتحت زهرة
********
قالت ليس للموت مكان بيننا
قلت ليس بيننا لكنه يختبئ ورائك
إن ذهبت أقابله
وان بقيت لن ألتقيه
فابقي لكي أحيا
********
حلمت أني احلم أني أحبك
ثم حلمت أني احبك
صحوت فرأيت طيفك
وسمعت صدي صوتك في عزف الكمان
احبك بكل ما أوتيت من حلم
*********
قالت لا تهدني زهورا
فالزهور تموت اذا اقتطفت
وأنا لا احبها ميتة
قلت أنقلها من حديقة لحديقة
قالت الزهور : نموت نموت ويحيا الحب
*********
قالت له فلتكتب لي شعرا
قال لها مفرداتي لا تتسع لوصفك
قالت عليك أن تفعل
أمسك قلما وأحضر ورقة وشرع في الكتابة
لكن .... فرت الحروف